ဧရာဝတီတိုင်းတွင် စပါးဈေး ဆက်တိုက်မြင့်တက်

ဧရာဝတီတိုင်းဈေးကွက်မှာတော့ ဆန်ဈေးရော စပါးဈေးရော ၄ ပတ်ဆက်တိုက်ဈေးမြင့်တက်နေပါတယ်။

စက်ပိုင်တွေက ဝယ်ယူနေခဲ့ပြီး လက်ကျန်လည်းမရှိသလောက်ဖြစ်နေလို့ ဈေးက ဆက်တိုက်မြင့်တက်နေတာဖြစ်တယ်လို့ သိရပါတယ်။

ဧရာဝတီတိုင်းဈေးကွက်မှာတော့ ပုသိမ်ပေါ်ဆန်းစပါးက တင်း ၁၀၀ ကို ၁၁၀၃၀၀၀ ပေါက်ဈေးရှိပြီး ၁၇၀၀၀ ကျပ် ဈေးတက်လာကာ ပုသိမ်ဧည့်မထစပါးကတော့ တင်း ၁၀၀ ကို ၈၀၀၀၀၀ ပေါက်ဈေးရှိပြီး ၁၈၀၀၀ ကျပ်ဈေးတက်လာပါတယ်။

မြောင်းမြစပါးကလည်း တင်း ၁၀၀ ကို ၁၁၅၇၀၀၀ ပေါက်ဈေးရှိပြီး ၃၅၀၀၀ ကျပ်၊ မြောင်းမြဧည့်မထစပါးက တင်း ၁၀၀ ကို ၈၁၀၀၀၀ ပေါက်ဈေးရှိပြီး ၁၀၀၀၀ ကျပ်ဈေးတက်လာပါတယ်။

ဖျာပုံပေါ်ဆန်းစပါးကလည်း တင်း ၁၀၀ ကို ၁၁၅၀၀၀၀ ပေါက်ဈေးရှိပြီး တင်း ၁၀၀ ကို ၃၆၀၀၀ ကျပ်ဈေးတက်လာကာ ဖျာပုံဧည့်မထစပါးကတော့ တင်း ၁၀၀ ကို ၇၈၂၀၀၀ ပေါက်ဈေးရှိပြီး ၁၉၀၀၀ ကျပ်ဈေးတက်လာပါတယ်။

စပါးအသစ်တွေ ပေါ်တော့မှာဖြစ်လို့ စပါးဈေးတွေ ကျဆင်းနိုင်တယ်လို့ ကုန်သည်တွေက ဆိုပေမယ့် ယခုနှစ် စပါးအထွက်လျော့နည်းနိုင်လို့ တောင်သူတွေအနေနဲ့ ရောင်းချရာမှာ သတိထားလုပ်ဆောင်သင့်ပါတယ်။

ရန်ကုန်ဈေးကွက်မှာတော့ ဆန်က ပုံမှန်အဝင်ရှိနေပေမယ့်အရောင်းအဝယ်ကတော့ အေးနေပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။