ဖရဲ ပြည်ပတင်ပို့မှုလျော့နည်းလာ

ယခုလက်ရှိတွင် ပြည်ပနိုင်ငံများကို ဖရဲသီးတင်ပို့မှုတန်ချိန်လျော့နည်းလာကြောင်း မြန်မာနိုင်ငံဖရဲ ၊ သခွားစိုက်ပျိုး ထုတ်လုပ်တင်ပို့ရောင်းချသူများအသင်းမှသိရပါတယ်။

ပြည်ပနိုင်ငံများမှ ဖရဲဝယ်လိုအား နည်းပါးလာတဲ့အတွက် တင်ပို့မှုနည်းလာတာဖြစ်တယ်လို့ မြန်မာနိုင်ငံ ဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးနိုင်ဝင်းကပြောပါတယ်။

“ ရာသီချိန်ကလည်း ကုန်ဆုံးနေပြီဖြစ်တော့ တင်ပို့မှုကနည်းလာတယ်။ သူတို့ဘက်ကအော်ဒါမှာရင်တော့ ဒီဘက်ကပို့ပေးတယ်။ ပြည်တွင်းဈေးကွက်ကတော့ ပုံမှန်ရှိပါတယ်။ (၁၀)လပိုင်းဝန်းကျင်လောက်မှ အမှာတွေကပြန်များလာမှာ”

အခုလက်ရှိမှာ တစ်နေ့ကို ဖရဲကုန်တင်ကား (၅) စီးခန့် ဝန်းကျင်သာ တင်ပို့နေတာဖြစ်တယ်လို့ အဆိုပါ အသင်းမှသိရပါတယ်။

ဖရဲကို တရုတ်နိုင်ငံကို အဓိကထားတင်ပို့နေပြီး အခြားပြည်ပနိုင်ငံများကိုလည်း တင်ပို့နေတာဖြစ် ကြောင်း မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။