မျိုးစေ့ချကိရိယာတပ်ဆင်ထားပုံနှင့် အကျိုးကျေးဇူးများ

သမန်းပြုပြင်ပြီးသောမြေများတွင် မျိုးစေ့ချကိရိယာကိုအသုံးပြု၍ မျိုးစေ့များ ချနိုင်သည်။

မျိုးစေ့ချကိရိယာသည် မျိုးစေ့တန်းအကွာအဝေး၊ မျိုးစေ့တန်းထဲတွင် မျိုးစေ့ချရမည့် မျိုးစေ့အရေအတွက်နှင့် အကွာအဝေး စသည်များကို လိုအပ်သလို ချိန်ဆပြုပြင်နိုင်သည်။

မျိုးစေ့ချ ကိရိယာတွင် ပါဝင်သောမျိုးစေ့ချပြားများမှာ အထူအပါးအမျိုးမျိုးရှိသည်။

ထို့ပြင် မျိုးစေ့ကျပေါက်မှာလည်း အရွယ်အစား အမျိုးမျိူးရှိသည်။

၎င်းတို့ကို မိမိအသုံးပြုမည့် မျိုးစေ့အရွယ်အစားနှင့် ကိုက်ညီရန် ရွေးချယ်ရပါမည်။

မျိုးစေ့ချပြားသည် မျိုးစေ့ဇလားမှ မျိုးစေ့ပေါက်များသို့ လိုအပ်သောအရေအတွက်ကို ပေးပို့၍ ပိုလျှံသောမျိုးစေ့များကို ဖယ်ရှားပေးသည်။

မျိုးစေ့များသည် မျိုးစေ့ချပြား၏ အပေါက်များသို့ ရောက်ရှိသောအခါ မျိုးစေ့ပြွန်မှ တစ်ဆင့်ထွန်ကြောင်းထဲသို့ချသည်။

လင်ပန်းပြားငယ်နှစ်ပြားကို ရှေ့ပိုင်းရှူး၍ နောက်ပိုင်းကားသည့်အနေအထားဖြင့် တပ်ဆင်ထားသည်။

ယင်းလင်ပန်းပြားငယ်နှစ်ခုသည် မျိုးစေ့ချနိုင်ရန် မြောင်းဖော်ပေးသည်။

မျိုးစေ့ချသည့် ကိရိယာများအားလုံးကို မြေကုတ်ဘီးလည်ပတ်ခြင်းဖြ င့် အလုပ်လုပ်စေသည်။

မျိုးစေ့ချကိရိယာတစ်စုံလျှင် မြေကုတ်ဘီးတစ်လုံးစီ တပ်ဆင်ပေးထားသည်။

ယင်းဘီးသည် မြေပါ်တွင် မိမိရရကုတ်ပြီး ပုံမှန်လည်ပတ်မှသာ မျိုးစေ့ကျနှုန်း မှန်မည်ဖြစ်သည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။