ကချင်ပြည်နယ်ကလွဲလို့ ကျန်ပြည်နယ်တိုင်းများ အပူချိန်များထပ်မံမြင့်တက်လာနိုင်

ဧပြီလ ၈ ရက်နေ့အထိ တစ်ပတ်စာ extreme forecast မှာ ရန်ကုန်တိုင်း၊ ပဲခူးတိုင်းအ‌ရှေ့ဘက်ခြမ်း၊ ဧရာဝတီတိုင်း၊ ကရင်ပြည်နယ်၊ မွန်ပြည်နယ်၊ မန္တလေးတိုင်းအထက်ပိုင်း၊ စစ်ကိုင်းတိုင်းအထက်ပိုင်း၊ ရခိုင်ပြည်နယ်၊ ချင်းပြည်နယ်နဲ့ ကချင်ပြည်နယ်တွေမှာ အပူချိန်တိုးလာနိုင်ချေ ၅၀% မှ ၇၀% ကျော်ကျော်ရှိပါတယ်။

🔸 မကွေးတိုင်း၊ ပဲခူးတိုင်းအနောက်ခြမ်း၊ မန္တလေးတိုင်းအောက်ပိုင်း၊ နေပြည်တော်၊ စစ်ကိုင်းတိုင်းအောက်ပိုင်း၊ ကယားပြည်နယ်၊ ရှမ်းပြည်နယ်၊ တနင်္သာရီတိုင်းတွေမှာတော့ လာမဲ့ ၇ ရက်အတွင်း အပူချိန်တိုးလာနိုင်ချေက ၉၀% အထက်ရှိကြောင်းတွေ့ရပါတယ်။

ပြည်နယ်တိုင်းအားလုံးရဲ့ လာမဲ့ ၇ ရက်အတွက် မိုးရွာနိုင်ချေရာခိုင်နှုန်းကတော့ အနှုတ်ပြနေတာကြောင့် ပုံမှန်မိုးရွာသွန်းနိုင်မဲ့ အခြေအနေတော့ မရှိပါ။

⚠️ အနောက်ဘက်-အနောက်မြောက်ဘက်နဲ့ တောင်-အနောက်တောင်ဘက်က ဝင်လာနိုင်တဲ့ မိုးတိမ်တောင်တွေကြောင့် နေရာကွက်ပြီးမိုးထစ်ချုန်းရွာနိုင်ချေနဲ့ လေပြင်းတိုက်နိုင်ချေတွေရှိပေမယ့် အတိအကျကြိုတင်ခန့်မှန်းနိုင်ခြင်း မရှိသေးပါ။

မိမိဒေသတွင်း မိုးတိမ်တောင်များဖြစ်လာရင် ရုတ်တရက်ကျလာနိုင်မဲ့ ထစ်ချုန်းမိုး၊ မိုးသီးကြွေခြင်းနဲ့ စိုက်ဆင်းလေပြင်းတိုက်ခတ်ခြင်းများကို သတိထားကြဖို့သာရှိပါမယ်။

ဖော်ပြပါ မိုးလေဝသ ခန့်မှန်းချက်တွေမှာတော့ ကချင်ပြည်နယ်ကလွဲရင် ကျန်ပြည်နယ်တိုင်းတွေမှာ မိုးရွာသွန်းနိုင်ချေမရှိကြောင်း အပူချိန်များမြင့်တက်လာနိုင်ကြောင်းတွေ့ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။